《俄佬做野》
今日想同大家講d輕鬆野：阿侵响呢幾個月四處辣火頭，中國啦、俄羅斯、日本、加拿大、以至於整個歐盟，全部都同佢有牙齒印！無他既，我話過：凡係响美國佬銀包度攞過錢既國家，你地通通都要為自己既「罪孽」負責——無錯，呢個係阿侵既思維黎！
人俾人打，通常有兩種反應既：第一種、係同你死過！你鏈住我條頸丫拿？好，我嗱返住你要害！第二種、就係乜都唔做，由得佢。其實大家都知道，阿爺係美國佬最大既債主，其實我地可以鏈返佢格，但阿爺無咁做，又或者係做唔到（咁老實，你要响全球搵最穩健、風險係零既資產呢，又真係唔容易，我地係黎求財啫，唔係黎求氣既）
之不過咁，又唔係全部人都好似阿爺咁溫文爾雅既，好似有「戰鬥民族」之稱既俄羅斯咁丫，佢地就响過去呢兩個月內大手減持美國佬既債，由900幾億減淨得返百幾億喇！擺到明開美國佬波～咁你話，沽美債，價跌、yield升渦，美國佬招唔招架得黎？係咪要開印鈔機黎還錢、贖返批債？唔通…今次真係輪到美國佬乞米？天有眼喇…
咁你又咪開心住，其實俄佬本身揸既美債唔多，全球十大債主佢係無份既：全球第一果個叫中國：萬一億左右；第十果個叫台灣，...
See More
Search